புலம்பெயர்ந்து சுவிற்சலாந்தில் வாழத்தொடங்கிய நாங்கள் தொடக்கத்தில் பல சொல்லொனா வேதனைகளை அனுபவித்தோம். கடின உழைப்பு, காலநிலை மாற்றங்கள், உறவுகளைப் பிரிந்து வாழும் ஏக்கங்கள், உறவுகளின் இழப்பு, மனஅழுத்தம் என்பன. இந்நிலையில் எமக்கு ஓர் ஆறுதுல், மனஅமைதி வேண்டி ஓர் வழிபாட்டுத்தலம் அமைப்பதற்கான முயற்சியில் ஈடுபட்டோம்.

அதன் பயனாக திரு. பாஸ்கரலிங்கம் தலைமையில் ஓர் வழிபாட்டுத்தலமாக கற்பக விநாயகர் ஆலயம் வைகாசி(மே) 26, 1993 அன்று றெனா(Renens) எனும் இடத்தில் ஆரம்பிக்கப்பட்டது. இங்கு சில ஆண்டுகளாக ஆலயம் மக்களின் ஆன்மீக, மனஅமைதி மற்றும் கலாச்சார செழுமையை சிறப்பாக மேன்படுத்தி வந்தது. பின்னர் இடப்பற்றாக்குறை மற்றும் மேலும் சில அசௌகரியங்களினால் கார்த்திகை (நவம்பர்) 2, 1998 முதல் இன்று வரை Prilly எனுமிடத்தில் சிறப்பாக அருள்பாலித்து வருகிறார்.

தற்போது பக்தர்களின் எண்ணிக்கையும் அதிகரித்துக் கொண்டு செல்கிறது. இடப்பற்றாக்குறை, வாகனத்தரிப்பிடம் இல்லாத குறை அத்துடன் ஒர் கட்டிடத்தொகுதியின் கீழ்ப்பகுதியில் எமது ஆலயம் உள்ளது. மேலும் சில நடமுறைச்சிக்கலாலும் புதிய ஆலயம் கட்டுவதென தீர்மானித்தோம். மேலதிக விபரங்களை அடுத்துள்ள கட்டுமானப் பகுதியில் பாருங்கள்.